4 stader du kan leite etter jobb

Du kan finne ledige jobbar på fleire måtar. Her er fire stader du kan sjekke ut. 

1. Jobbsøkjarportalar 

• Legg inn din CV på arbeidsplassen.no, finn.no, og andre jobbsøkjarportalar. Då har du alt klart for å søkje på jobbar.
• Søk smart! Bruk søkjefeltet og filtera. Sjekk tips for korleis gjere gode søk på Arbeidsplassen.no. 

2. Nettverket ditt 

Det finst jobbar som ikkje blir lagde ut på nett eller i aviser. Mange bedrifter bruker kontaktane sine for å finne folk. Du kan:

• Fortelje vennene, familien eller naboar at du leitar etter jobb. Dei kan kjenne nokon som har ei ledig stilling.
• Bli med i grupper på sosiale medium som er knytt til jobbar du er interessert i. Her kan du få tips om ledige stillingar og moglegheiter.
• Bruk nøkkelord på LinkedIn for å finne jobbar. Søk etter stillingstitlar som «miljøarbeidar» for å sjå ledige stillingar.  

3. Nettstaden til bedrifter 

• Sjå etter ledige stillingar på nettstaden til bedrifta eller dei sosiale media til bedrifta.
• Sjekk om bedrifta har ei nettside som heiter «Karriere» eller «Jobb hos oss». Der kan det stå noko om jobbmoglegheiter.
• Bruk søkjefunksjonen. Skriv inn ord som "jobb", "stilling" eller "karriere" på nettstaden til bedrifta for å finne kunngjorde stillingar.
• Sjekk om du kan sende open søknad. Nokre bedrifter har denne moglegheita sjølv om dei ikkje har nokon kunngjorde stillingar. 

4. Bemanningsbyrå 

Bemanningsbyråer leiger ut personell til bedrifter. Du kan:

• Sjå etter ledige stillingar på nettstaden til bemanningsbyråa.
• Registerr deg hos eit bemanningsbyrå. Opprett ein brukar, legg inn CV-en din og oppgje kva slags jobb du søkjer. Då kan dei ta kontakt viss dei finn noko som passar.